Komunikado di prensa Kòrsou ta limpia durante World Clean Up Day. Gobiernu di Kòrsou ta sostené inisiativa pa limpia Kòrsou 15 di sèptèmber.
WILLEMSTAD – Huntu ku mas ku 150 pais Kòrsou ta partisipá djasabra 15 di sèptèmber na World Clean Up Day. E meta ta pa riba e dia aki rekohé mas tantu shushi ku ta posibel i hala atenshon mundialmente pa ku e problema di shushedat.
Un yamada ta bai na henter komunidat di Kòrsou pa huntu pone man na obra pa hasi nos pais mas limpi.
Pa partisipá na e akshon di limpiesa aki por inskribi via www.worldcleanupdaycuracao.org.
Registrashon ta posibel komo grupo di amigu, famia, kolega, asosashonnan òf komo individuo.
Na momentu di inskripshon por skohe diferente opshon di aria pa limpia i mester laga algun informashon pèrsonal atras.
Tambe ta keda puntrá si boluntario nan ta disponé di un ‘pick up’ pa di e forma aki por hiba shushi ku rekohé na un ‘container’den serkania òf na Landfill Malpais. Selikor ta pèrkurá pa entrada gratiuto pa partisipantenan di World Clean Up Day. Datos di vehikulonan ku ta partisipá ta keda registrá adelantá.
Map it
Ku e slogan ‘Get the App and map’, un yamada ta keda hasi mundialmente pa deskargá e aplikashon ‘World Clean Up”. Di e forma aki fasilmente por duna un indikashon di lokalidatnan ku tin hopi shushi.
E aplikashon aki ta optenibel tantu pa Android komo IOS.
Meta di e aplikashon ta pa indiká e sitionan ku ta den mas nesesidat pa un limpiesa.
E inisiativa pa ku partisipashon di Kòrsou na World Clean Up Day ta un kontrubuishon di ministerio di SOAW i GMN i diferente fundashon i kompania, entre otro Curaçao cares, Curaçao Clean Up, Clean Caribbean Coalition i Green Force. Gobièrnu tambe ta sostené e akshon aki. Algun ministerio ta koperá finansieramente pa ku entre otro kompra di material i algun ministerio ta pèrkurá pa pa nan ministerio partisipá durante Clean Up Day i algun minister tambe lo koperá poniendo man na obra dia 15 di sèptèmber próksimo.
E idea pa World Clean Up a nanse na Estland. Manera diferente pais, aki tambe ta organisá un akshon di limpiesa. E organisashon na Estland a disidí di uni forsa ku diferente oraganisashon den otro paisnan ku e mes un vishon, di aki e inisiativa “Let’s do It World”a nanse. Ultimo 3 añanan a traha ku inisiativa pa yega World Clean Up Day ku e meta pa riba e dia di limpiesa 5% di habitante mundialmente partisipá na e akshon aki. Entretantu mas ku 150 pais pone nan mes disponibel pa partisipá na World Clean Up Day.
Si alkansá e kantidat di boluntario deseá, òf aserká, ta un echo ku dia 15 di sèptèmber ta tuma lugá e akshon boluntaio mas gandi ku historia a konosé.
Despues di diferente akshon di limpiesa ultimo añanan na Kòrsou, algun oraganisashon ta uni forsa i ta hasi un yamada huntu ku gobièrnu di Kòrsou pa komuniat den su totalidat foma parti di e akshon di limpiesa mas gandi ku Kòrsou a i ta konosé. Segun e oraganisashon nos tur ta konsiente di e problematika di shushedat na Kòrsou, no opstante di esaki tin pèrsona ku ta ‘siegu’ pa ku echo aki. Pèrsonanan ku ta hasi nan mes kulpabel pa shushedat no ta konsiente di nan akto, for di tira un bòter bashí riba kaya te na kompanianan ku ta dùmp shushi. Pa es ku ta riba kaya tur dia shushi no ta riparabel mas.
Finalmente World Clean Up Day no tei pa solamente limpia nos pais, pero pa krea konsientisashon pa ku nos forma di atendé ku shushi riba nos pais.
Nos ta biba riba un pais, i si nos neglish’e, unda nos ta bai?
Inskribí pa huntu nos ban hasi’é limpi pa ten’é limpi dia 15 sèptèmber.